Albulena Haxhiu është zgjedhur kryetare e Kuvendit të Kosovës.
Haxhiu mori 62 vota për.
Kundër zgjedhjes së saj votuan 16 deputetë të PDK-së, ndërsa 13 deputetë të LDK-së abstenuan.
Ajo ishte propozuar nga Lëvizja Vetëvendosje për të drejtuar Kuvendin, në seancën konstituive që po zhvillohet sot.
Në fjalën e saj hyrëse, Haxhiu falënderoi deputetët për mbështetjen, si dhe kryesuesin e seancës konstituive, Avni Deharin, dhe zëvendëskryesuesen.
“Të nderuar deputetë të Kuvendit të Kosovës, të nderuara media, së pari të falënderoj kryesuesin e seancës konstituive, Avni Dehari, dhe zëvendëskryesuesen e seancës deri në këtë pikë. Faleminderit të gjithëve për mbështetjen e dhënë për të qenë në krye të Kuvendit të Kosovës”, tha Haxhiu.