Kryemininistri Mikhail Mishustin ka nënshkruar një dekret, në të cilin qeveria ruse e ka zgjeruar listën e “shteteve të huaja jomiqësore”, duke shtuar Greqinë, Danimarkën, Slloveninë, Kroacinë dhe Sllovakinë.
Kjo listë e shteteve jomiqësore përfshinte më parë Republikën Çeke dhe Shtetet e Bashkuara të Amerikës.
Autoritetet ruse i konsiderojnë si vende jomiqësore ato shtete që kryejnë veprime jomiqësore kundër Rusisë.
Përmes këtij dekreti të nënshkruar nga presidenti rus Vladimir Putin në muajin prill të vitit të kaluar, këtyre vendeve iu kufizohet aftësia për të punësuar punëtorë që banojnë në territorin e Rusisë, për ambasadat, konsullatat dhe zyrat përfaqësuese të organeve shtetërore.
Sipas dekretit, Greqia ka të kufizuar që të punësojë 34 persona, Danimarka 20 dhe Sllovakia 16, ndërsa Sllovenia dhe Kroacia nuk do të mund të punësojnë asnjë person për misionet diplomatike dhe kosullore, njëjtë siç ishte rasti me Shtetet e Bashkuara të Amerikës.
Gjatë muajit mars, vetëm disa ditë pasi Rusia nisi pushtimin e saj në Ukrainë, shteti rus u dënua nga Perëndimi dhe shumë vende të tjera, pas asaj, presidenti Vladimir Putin urdhëroi qeverinë të krijonte një regjistër të “kombeve jomiqësore” raporton CNN.
Ndërkaq, kjo listë përfshin Shtetet e Bashkuara, Kanadanë, Britaninë, Ukrainën, Australinë, Singaporin, Japoninë, Zelandën e Re, Tajvanin, Mikronezinë, Malin e Zi, Shqipërinë, Zvicrën, Andorrën, Korenë e Jugut, Lihtenshtajnin, Monakon, Norvegjinë, San Marinon, Republikën Çeke dhe Maqedonia e Veriut, transmeton Portali Dukagjini.