Mostrat e marra nga lumenjtë e Kosovës kanë treguar se uji ka rezultuar i ndotur, sipas direktivës Evropiane për ujëra sipërfaqësor.
Në kuadër të inciativës “Clean Water Crisis”, 10 mostra në katër lumenj të Kosovës ishin marrë javën e kaluar nga Instituti Hidrometerlogjik i Kosovës për t’u testuar.
1 mostër nga Sitnica, 2 nga Llapi, 3 nga Lepenci dhe 4 nga Drenica ishin marrë për të krahasuar rezultatet e nivelit të ndotjes përgjatë shtrirjes së lumit.
Më pas, ekspertët e fushës kanë analizuar më thellësisht përbërjet fizike dhe kimike të ujit duke publikuar rezultatet të shtunën.
Ndotja e lumin Llap ka treguar shifrat e shpenzimit kimik, i cili ka rezultuar 12 në burim dhe 170 në dalje të Podujevës.
Niveli i temperaturës, nitriteve, nitrateve, azotit, klorureve, fenoleve, amoniakut shpjegojnë edhe më hollësishëm këtë ndotje, duke shkaktuar zhdukjen e biodiversitetit ujor përgjatë shtratit të lumit.
Megjithëse nga rezultatet laboratorike të cilësisë së ujit të lumit Lepenc, është treguar se në burim të lumit cilësia e ujit është e statusit të mirë, kjo cilësi ka rënë përgjatë shtratit të lumit.
Parametrat janë si më poshtë.
Kolonat me ngjyrë të verdhë, portokalli dhe të kuqe tregojnë për vlerat e larta të ndotjes te parametrat e ndryshëm ndërsa e kuqja, tregon shkallën më të lartë të ndotjes.
Turbullira, Temperatura e Ujit, Fosfori Total, Amoniaku dhe Fenolet janë disa prej vlerave më rrezikshmëri të lartë.
Të gjitha vlerat e lartcekura vijnë si pasojë e ndotjes nga ujërat e zeza dhe aktivitetit njerëzor.
