Kosova gjendet në mesin e shteteve me numër më të madh të punëtorëve joantarë të BE-së.
Numri i emigrantëve nga vendet jashtë Bashkimit Evropian që udhëtojnë drejt BE-së me lejeqëndrim të përkohshëm me qëllim të sigurimit të një jetese më të mirë, është rritur.
Bazuar në numrin e përgjithshëm të personave me leje të përkohshme qëndrimi në Gjermani dhe kryesisht, me qëllime punësimi, Kosova rradhitet e treta pas Indisë dhe Bosnje-Hercegovinës.
Statistikat janë publikuar nga Zyra Federale e Statistikave të Gjermanisë, Destatis.
Sipas Zyrës Federale të Statistikave të Gjermanisë, Destatis, numri i punëtorëve që emigruan në Gjermani gjatë dhjetë vjetëve të fundit është trefishuar.
Ambasada e Gjermanisë në Prishtinë ka bërë të ditur se për procedurën e shortit në dhjetor të vitit 2021 ka pranuar, gjithsej, 56 mijë e 639 aplikime për viza.