“Historia e shtetndërtimit tonë mban emrin e Enver Zymberit, si dëshmor në përpjekjet për shtrirjen e sovranitetit dhe integritetit territorial të vendit tonë”.
Kështu ka thënë ministri i Punëve të Brendshme Xhelal Sveçla, në 11-vjetorin e vrasjes së policit Enver Zymberi.
Sveçla ka shkuar te vendi ku është vrarë Zymberi dhe ka vendosur aty një buqetë me lule si shenjë nderimi për të.
Ministri i Punëve të Brendshme bëri thirrje për zbardhjen e rastit të vrasjes së Zymberit, i cili u vra në detyrë.
“Të gjithë ne, Policia e Kosovës dhe kolegët e tij bartin kujtime e krenari për Enverin duke rikujtuar po ashtu të gjithë ne thirrjen për drejtësi për vrasjen e tij”, ka shkruar Sveçla në Facebook.
Në pamjet e publikuara shihet numër i shtuar i forcave policore si masë sigurie për ministrin Sveçla.
Të hënën e 25 korrikut janë bërë 12 vjet nga aksioni i 25 dhe 26 korrikut i Policisë së Kosovës në veri të vendit. Aksioni për shtrirje të sovranitetit në atë pjesë të Kosovës, nuk kishte shkuar i gjithi sipas planit. Pas një sulmi me snajper, kishte mbetur i vdekur polici Enver Zymberi. Megjithatë, ky aksion është vlerësuar si pikënisje e shtrirjes së sovranitetit në komunat veriore të Kosovës.