22-vjeçari Jack Fenton është goditur për vdekje derisa po kthehej nga pushimet në Mykonos, me tre shokët e tij. Ndërkaq prindërit e tij ishin në një helikopter prapa tij.
Britaniku vdiq pasi u godit nga një teh i rotorit të helikopterit afër Athinës.
Mendohet se ai ka dalur nga helikopteri ndërsa ai u ul në Spata, afër kryeqytetit grek, dhe eci drejt pjesës së pasme pa e ditur se tehet e rotorit po rrotulloheshin ende.
Thuhet se helikopteri që transportonte prindërit e tij ishte devijuar për t’u shpëtuar atyre pamjen e asaj që kishte ndodhur.
Tragjedia ka ndodhur mbrëmjen e së hënës të 25 korrikut, raporton Sky News.
Ndërsa një zëdhënës i Ministrisë së Jashtme ka thënë: “Ne po mbështesim familjen britanikut që ka vdekur në Greqi dhe jemi në kontakt me autoritetet lokale”.
Giorgos Kalliakmanis, kreu i sindikatës së policisë, ka thënë për mediat greke se piloti do të hetohet për të parë nëse ai e këshilloi pasagjerin të dilte nga avioni i tij përpara se tehut të ndalonte rrotullimin.
“Këto helikë funksionojnë për rreth dy minuta nga koha kur ai fik motorin, përveç nëse shtyp një buton që i ndalon në 50 sekonda,” ka shtuar kreu i sindikatës.
“Dera e helikopterit nuk ka siguri, kush do që të hapë derën dhe të dalë”.
Ndërsa, “Hetimi paraprak do të shikojë nëse piloti i ka njoftuar ata që të dalin jashtë kur helika dhe motorët ndaluan”.