Ardian Arifaj, ish-këshilltar i ish-presidentit, Hashim Thaçi, në emisionin “FIVE” në RTV Dukagjini, ka folur për rëndësin e takimit të krerëve të shtetit të Kosovës me Sekretarin e Shteteve të Bashkuara të Amerikës(ShBA), Antony Blinken. Sipas tij, çdo takimi zyrtar në Shtëpinë e Bardhë është i rëndësishëm për Kosovën.
Tutje, ai ka theksuar se ShBA është aleati kryesor i Republikës së Kosovës. Sipas Arifajt, raportet me Amerikën janë të veçanta, dhe duhet të ketë sa më shumë këso takimesh.
“Çështja e raportit të Kosovës me SHBA-në nuk duhet të reduktohet në garë në mes të partive politike dhe preferencave, raporti me SHBA-në, është me rëndësi esencial për Kosovën”, ka thënë ai.
Tuje, ai ka shtuar se “ Nuk ku guxojmë të luajmë më atë raport”.
Ai ka thënë se zotësia e një politikani të Kosovës matet më raportet që ai i ka me SHBA-në.
Arifaj ka folur edhe për akuzat që po i bëhen kryeministrit Albini Kurtit nga ish-partiakët e tij, të cilët e kishin akuzuar se Kryeministri i ka ftohur raportet me Amerikën, por sipas Arifajt, më rëndësi për këtë çështje është se nuk ka pasur deklarata nga SHBA-ja se një gjë e tillë ka ndodhur.
“SHBA-ja gjithmonë e ka bërë të qartë se atyre nuk iu intereson se cili është emri apo mbiemri i cili e udhëheq një institucion, por SHBA-së i intereson Kosova dhe raporti që ka më të, dhe të sigurohet se Kosova është në të njëjtën rrugë me SHBA-në”, ka theksuar ai.
Ai ka përfunduar duke thënë se Amerika nuk ka parë asgjë që nuk është në linjë më vlerat e saj, nga liderët e Kosovës.