Kryeministri i Spanjës, Pedro Sanchez, të premten do të nisë një vizitë zyrtare katërditore në shtetet e Ballkanit Perëndimor, por jo edhe në Kosovë.
Ai pritet që ta vizitojë Beogradin, pastaj Sarajevën, Mostarin, Podgoricën, Shkupin dhe Tiranën.
Sipas raportimeve të mediave spanjolle, presidenti Sanchez me këtë vizitë synon “riaktivizimin, ringjalljen dhe rigjallërimin e procesit të zgjerimit” të Bashkimit Evropian (BE-së) në këtë rajon.
Në takimin e liderëve të BE-së në fund të qershorit në Bruksel, Sanchez avokoi ringjalljen e procesit të zgjerimit të BE-së në Ballkanin Perëndimor.
Spanja është një nga pesë vendet e BE-së që nuk e kanë njohur Kosovën si shtet të pavarur. Por, javë më parë ky shtet ka dhënë shenja pozitive në përkrahje për liberalizimin e vizave për Kosovën.