Gjykata Speciale u themelua me 82 vota pro, 5 kundër dhe një abstenim.
Këtë votim e quajtën të padrejtë Qeveria dhe pozita, mirëpo të domosdoshëm për t’i hequr dyshimet për krime të kryera nga Ushtria çlirimtare e Kosovës në luftën e fundit.
Sipas opozitës, ky votim do ta cenojë sovranitetin e vendit.
Dhomat e specializuara të Kosovës dhe Zyra e Prokurorit të Specializuar janë pjesë e sistemit të drejtësisë të Kosovës, të cilat ndodhen në Holandë dhe kanë staf ndërkombëtar.
Vitin e kaluar nga Zyra e Prokurorit të Specializuar (ZPS) janë ngritur aktakuza për krime lufte në Kosovë ndaj ish-presidentit Hashim Thaçi, ish-kryetarit të Kuvendit, Kadri Veseli, ish-zëdhënësit të Ushtrisë çlirimtare të Kosovës, Jakup Krasniqi, ish-eprorit të Ushtrisë çlirimtare të Kosovës, Salih Mustafa, ish-krerëve të Organizatës së Veteranëve të Luftës të Ushtrisë çlirimtare të Kosovës Hysni Gucati dhe Nasim Haradinaj, si dhe ndaj ish-pjesëtarit të UÇK-së, Pjetër Shala.