EULEX-i ka dhënë donacion disa kompjuterë e një minibus për Kooperativën “Gratë e Krushës”, që udhëhiqet nga Fahrije Hoti.
Prezente në këtë ngjarje ishte edhe Presidentja e Kosovës, Vjosa Osmani.
Një donacion i EULEX-it për Kooperativën bujqësore “Gratë e Krushës” bëri bashkë në këtë fshat liderë të rëndësishëm të shtetit.
Presidentja Vjosa Osmani e shoqëroi shefin e EULEX-IT, Lars-Gunnar Ëigemark, në këtë vizitë në kooperativën që udhëhiqet nga Fahrije Hoti.
“Ne këtë ndërtesë ka shumë histori, këtu e gjejmë mishërimin e punës se palodhur, kombinimin e ndjenjave të shumta të përkushtimit për t’i dhuruar qytetarëve të Kosovës e përtej, produkte të prodhuara me shumë dashuri. Ju sot jeni synonim i Kosovës se pasluftës. Ju jeni vet shpresa dhe vullnetit”, ka thënë Vjosa Osmani, Presidente e Kosovës.
“Përmes përkushtimit tuaj, qëndrueshmërisë dhe punës së palodhshme, ju keni thyer çdo pengesë karshi grave për realizimin e ambicieve tuaja. Ju jeni dëshmia e gjallë se si gratë me një vizion të qartë janë në gjendje të ngrihen nga hiri i luftës brutale… Kam thyer rregullat e pandemisë për të shkuar dhe parë filmin ‘Zgjoi’ i cili paraqet përpëlitjet e një gruaje të vetme”, ka thënë Laras-Gunnar Wigemark, shef i misionit të EULEX-it.
Për mbështetjen e vazhdueshme të shtetit por edhe donacionin e EULEX-it, falënderime pati Fahrije Hoti.
“Dita ditës kooperativa po rritet, po rritet prodhimtaria dhe numri i punëtorëve, dhe dita-ditës po i shtohen miqtë kooperativës të cilët asnjëherë nuk ia kthyen shpinën, qoftë nga Bashkimi Evropian dhe nga shteti i Kosovës dhe EULEX. Sot është dhuruar një donacion, një kombi, që kooperativa ka pasur mungesë”, ka thënë Fahrije Hoti, pronare e kooperativës.
Një minibus dhe disa kompjuter e llaptop ishte donacionit i dorëzuar në Kooperativën Bujqësore në Krushë të Madhe, që ka të punësuar 75 punëtorë.