Pas një vargu pyetjesh drejtuar Qeverisë për krizën, Mustafa thotë se mungesa e përgjigjeve po rrit varfërinë

Gjersa ka cituar përgjigjet e mëhershme të Qeverisë për parashikimet që sipas tij, i ka dhënë kryetari i LDK-së, Lumir Abdixhiku, deputeti Mustafa ka thënë që Qeveria vazhdimisht po injoron ekzistencën e një krize ekonomike

Deputeti i LDK-së, Besian Mustafa

“Çmimi i produkteve esenciale vazhdon të rritet dhe qeveria nuk ka një përgjigje për to… kjo do të rezultojë me rritjen e varfërisë së familjeve kosovare”.

Kështu ka thënë deputeti, njëherësh ish-ministri i Bujqësisë, Besian Mustafa gjersa ka theksuar se i pari i Lidhjes Demokratike të Kosovës, Lumir Abdixhiku veç se kishte paralajmëruar ardhjen e një krize energjetike vitin e kaluar.

Një paralajmërim që sipas tij, ishte dhënë në pranverën e vitit 2021.

Gjersa ka kujtuar përgjigjet e Qeverisë së Kosovës përgjatë këtyre paralajmërimeve, deputeti Mustafa ka thënë që konferenca në fjalë paraqet një paralajmërim të ardhshëm nga LDK-ja.

“Kjo konferencë është paralajmërimi i radhës se Qeveria e Kosovës nuk ka ndërmarr asnjë hap konkret që qytetarëve të Kosovës të mos u shtohet një barrë këtë dimër”.

Pyetjet e njëpasnjëshme të deputetit Mustafa ishin në lidhje me ekzistencën e energjisë së mjaftueshme, se a do të duhej që të prisnim reduktime.

Njëherit, së bashku me këtë edhe se “a do të shtrejtohet çmimi i energjisë dhe nëse po, sa?” dhe “me rastin e rritjes së papërballueshmërisë, çka do të bëjë qeveria për qytetarët?”

Ndër të tjera, ai ka thënë se të gjitha trendet ekonomike tregojnë një rritje enorme të çmimeve, e veçanërisht, ato të produkteve esenciale.

“Kriza energjetike dhe kriza e rritjes së çmimeve po e varfëron çdo ditë qytetarin e Kosovës. Por në këtë krizë të madhe, edhe më e varfër është përgjigjja e Qeverisë së Kosovës me mungesën e masave që e përkrahin qytetarin”, ka thënë Mustafa.

Vendimet e deritanishme të Qeverisë së Kurtit janë cilësuar nga Mustafa si “boshe” dhe “të pakordinuara”.

Shija e redaktorit

Raporti për lirinë e medias vlerësohet alarm për shoqërinë dhe...

Në Ditën Botërore të Lirisë së Shtypit vendi ynë shënoi rënie për 19 vende në indeksin e lirisë së medieve nga “Reporterët Pa Kufij”....

Dorëzimi i donacionit PET-CT, Osmani takon sekretaren e organizatës Alwaleed...

Presidentja e Kosovës, Vjosa Osmani, i ka uruar mirëseardhje në Republikën e Kosovës, Princeshës Lamia Bint Majed Saud Alsaud, Sekretare e Përgjithshme e Alwaleed...

Zgjidhet ushtari më i mirë për vitin 2024

Këtë të premte është mbajtur ceremonia përmbyllëse e garës ndërkombëtare “Ushtari më i mirë 2024”, në Kazermën “Skënderbeu” në Komunën e Ferizajt. Tashmë janë shpallur...

Të fundit nga rubrika