Izraeli thotë se ka arrestuar 19 anëtarë të grupit palestinez ‘Xhihadi Islamik’ në bastisjet në Bregun Perëndimor, pas kryerjes së sulmeve ajrore kundër objektivave në Rripin e Gazës.
Njëmbëdhjetë njerëz janë vrarë në sulmet ajrore, duke përfshirë një fëmijë dhe udhëheqësin e PIJ Tayseer Jabari. Izraeli ka thënë se sulmet pasuan një “kërcënim të menjëhershëm” nga grupi. Ushtria izraelite ka bërë të ditur se dhjetëra raketa janë hedhur nga Gaza në drejtim të Izraelit gjatë natës.
Dhuna e fundit është shpërthimi më serioz midis Izraelit dhe Gazës, në pak më shumë se një vit.
Lufta 11-ditore në maj të vitit 2021 ka lënë më shumë se 200 palestinezë dhe një duzinë izraelitë të vrarë, përpara se të binte dakord për një armëpushim. Ushtria izraelite paralajmëron se ky operacion i fundit mund të zgjasë për një javë, raporton BBC.
Sirenat paralajmëruese të raketave në hyrje vazhduan të binin në qytetet izraelite të shtunën, mes raporteve të tjera për sulme ajrore në Gaza, që Izraeli thotë se kanë në shënjestër militantët e PIJ.
Gati 200 raketa janë hedhur nga Gaza në drejtim të Izraelit gjatë natës, tha ushtria izraelite. Rreth 30 objektiva të ‘Xhihadit Islamik’ janë goditur, mes tyre dy depo armësh dhe 6 vende për prodhimin e raketave, dhe të paktën 78 persona janë lënduar.
Duke iu referuar sulmit fillestar të premten, kryeministri izraelit Yair Lapid tha se Izraeli kreu “një operacion të saktë kundër terrorizmit kundër një kërcënimi të menjëhershëm”.
Ndërkohë, ministrja e Brendshme, Ayelet Shaked tha, “Ne nuk e dimë se si do të ndodhë kjo, por mund të marrë kohë, ky mund të jetë një raund i gjatë [konflikti] dhe i vështirë”.
Dhjetëra të vrarë dhe 55 të plagosur nga sulmi në Gaza të Palestinës