Të mërkurën e dhjetë gushtit, kryeministri i Shqipërisë, Edi Rama është takuar në Turqi me presidentin turk, Recep Tayyip Erdogan.
Në këtë takim ata kanë diskutuar për krizën e energjisë elektrike dhe produkeve bazë ushqimore.
“Takim si gjithnjë vëllazëror me Presidentin Erdogan dhe projekte konkrete për përballimin e dy sfidave të mëdha të kohës, garantimi i energjisë dhe lëndëve ushqimore bazë”, ka shkruar ai në Facebook.
Ministri i Jashtëm i Turqisë, Mevlut Çavusoglu, ka bërë të ditur se muajin e ardhshëm presidenti turk Recep Tayyip Erdogan do t’i vizitojë vendet e Ballkanit.
Sipas ministrit Çavusoglu, kjo vizitë konfirmon përkushtimin e shtetit turk për vendet e Ballkanit.
Ai u shpreh se Turqia e mbështet paqen dhe stabilitetin në Ballkan.
“Vizita që presidenti i Turqisë, Recep Tayyip Erdogan do të bëjë në vendet e Ballkanit muajin e ardhshëm konfirmon angazhimin tonë për paqen dhe stabilitetin e rajonit. Turqia mbështet fuqishëm paqen dhe stabilitetin e Ballkanit”, tha Cavusoglu.
Ai foli edhe për rolin e Turqisë dhe operacioneve të saj ushtarake në veri të Sirisë.
“Vendi ynë ka kontribuuar ndjeshëm në sigurinë e miliona sirianëve, kështu që nuk mund të pritet që ne të ulemi me duar të mbledhura kundër sulmeve të terroristëve të YPG/PKK-së”, ka thënë Cavusoglu.
Po ashtu, ai foli edhe për konfliktin ku është i përfshirë Azerbajxhani, duke thënë se e mbështet çlirimin e territoreve të okupuara.
Erdogan pritet që muajin e ardhshëm t’i vizitojë vendet e Ballkanit