Kryetari i Podujevës, Shpejtim Bulliqi ka bërë të ditur për projektin për ndërtimin e Urgjencës së Qytetit, projekt i cili do të kontribuojë në infrastrukturën shëndetësore të qytetit.
“Gjatë takimit që kemi zhvilluar me drejtorin e organizatës “Qatar Charity”, Esam Dabab dhe përfaqësuesit tjerë nga kjo organizatë, na është kumtuar lajmi se është aprovuar në Zyren Qendrore në Katar ndihma financiare për ndërtimin e Urgjencës së Qytetit në Podujevë”, ka shkruar Bulliqi në Facebook.
Ai ka thënë se në ditët në vijim pritet të nënshkruhet marrëveshja finale dhe të fillojnë punimet.
Në këtë projekt, Komuna e Podujevës do të participojë me 600 mijë euro, ndërsa organizata “Qatar Charity” me 1.1 million euro.
Ai ka falënderuar organizatën e Katarit për mundësinë e realizimit të këtij projekti.