Të enjten e 11 gushtit, është gjetur trupi i pajetë i një 14-vjeçari që ishte zhdukur gjatë të mërkurës së 10 gushtit. Trupi i tij është gjetur në lumin e Semanit në Shqipëri.
Sipas policisë, ata kishin arritur që fillimisht t’i gjenin vetëm rrobat e viktimës, derisa më pas kanë arritur që ta gjejnë edhe trupin e pajetë.
Ndërsa, sipas rrëfimeve të fqinjëve të viktimës, kjo nuk është tragjedia e parë për familjen e tij, sepse kjo familje e kishte përjetuar edhe para 10-vjetësh një fatkeqësi të tillë ku e kishte humbur dhe një djalë, i cili ishte mbytur në të njëjtin vend.
Sipas dyshimeve, 14-vjeçari kishte shkuar për të peshkuar.