Ministria e Administrimit të Pushtetit Lokal (MAPL), ka ndarë 10.5 milion euro për projekte në komunat e Kosovës.
Këtë e ka bërë të ditur vetë ministri i Administrimit të Pushtetit Lokal, Elbert Krasniqi, i cili ka thënë se kjo shumë është ndarë së bashku me donatorë.
Po ashtu, ai ka thënë se janë nënshkruar 65 marrëveshje me komunat, të cilat ai nuk i ka përmendur.
“MAPL dhe donatorët kanë ndarë 10.5 milion për projekte në Komuna. Janë nënshkruar 65 marrëveshje me Komunat”, ka deklaruar Krasniqi, në rrjetin social Facebook.
Ndërsa, sipas tij procedurat e prokurimit dhe realizimit të këtyre projekteve u janë besuar komunave.
Gjithashtu, ai ka shtuar se në momentin që projektet realizohen në teren nga komunat, MAPL kryen pagesat dhe njëkohësisht edhe shpenzimin e buxhetit.
Ndërkaq, Krasniqi është shprehur se me këtë vendim ”Qeveria është ajo që investon dhe mbështet Komunat”.