7 persona kanë pësuar lëndime trupore pas një aksidenti në magjistralen Prishtinë-Podujevë.
Lajmin për portalin Dukagjini e ka konfirmuar zëdhënësi i Policisë së Kosovës, Agron Borovci.
Bëhet e ditur se në aksident ishin të përfshira tri vetura.
“Rreth orës 21:00, është pranuar informata për një aksident trafiku rrugor të ndodhur në rrugën magjistrale Prishtinë – Podujevë. Në aksident janë përfshirë tri vetura ndërkaq shtatë persona kanë pësuar lëndime trupore. Të njëjtit kanë marrë trajtimin e nevojshëm mjekësor”, ka thënë Borovci.
Ndër të tjera, bëhet e ditur se njësitë rajonale të trafikut kanë dalë në vendin e ngjarjes dhe të njëjtat, janë duke hetuar rastin.