Në korrik të vitit 2022, importet e qymyrit të Kinës nga Rusia janë rritur 14 për qind, duke arritur në nivelin më të lartë në të paktën pesë vjet, pasi Kina bleu qymyr me zbritje ndërsa vendet perëndimore shmangën ngarkesat ruse për pushtimin e saj në Ukrainë.
Të shtunën e 20 gushtit, të dhënat nga Administrata e Përgjithshme e Doganave treguan se Kina ka sjellë 7.42 milionë tonë metrikë qymyr nga Rusia muajin e kaluar. Kjo ishte shifra më e lartë mujore që nga fillimi i statistikave të krahasueshme në 2017, nga 6.12 milionë tonë metrikë në qershor dhe 6.49 milionë tonë metrikë në korrik të vitit 2021.
Vendet perëndimore kanë filluar shmangien e ngarkesave nga Rusia përpara një ndalimi të Bashkimit Evropian për qymyrin rus që hyri në fuqi më 11 gusht, që synonte të zvogëlonte të ardhurat e energjisë së Kremlinit gjatë pushtimit të tij në shkurt. Ndalimi e ka detyruar Rusinë të synojë blerës të tillë si Kina dhe India dhe të shesë me një zbritje të madhe.
Qymyri termik rus me një vlerë ngrohjeje prej 5 mijë e 500 kilokalori (kcal) tregtohej rreth 150 dollarë për ton metrikë në bazë të kostos dhe transportit në fund të korrikut.
Disa tregtarë kinezë presin që më shumë qymyr rus të rrjedhë në Kinë në tremujorin e katërt, kur ndërmarrjet në Kinën veriore ndërtojnë stoqe për sezonin e ngrohjes dimërore.
Dërgesat e korrikut të qymyrit indonezian, kryesisht qymyr termik të lirë me cilësi të ulët, me një vlerë ngrohëse nën 3,800 kcal, ishin 11.7 milionë tonë metrikë. Kjo u rrit për 22 për qind nga qershori, por 40 për qind më pak nga një vjetmë parë. Kina ka reduktuar importet e saj të përgjithshme të qymyrit në muajt e fundit mes rritjes së prodhimit vendas, raporton CNN.
Termocentralet në Kinën jugore kanë rritur tenderët për të blerë qymyr indonezian në gusht pasi është më i lirë se qymyri vendas, ndërsa kërkesa për prodhimin e energjisë me qymyr është rritur nga një valë rekorde e nxehtësisë.
Qymyri termik indonezian me një vlerë ngrohjeje në 3 mijë e 800 kcal ka ndryshuar vlerën me rreth 78 dollarë për ton metrikë në javën e kaluar, që do të ishte ende nën rreth 690 juanë (rreth 100 dollarë) për qymyrin vendas kur merren parasysh kostot e transportit.