Deputetja e PDK-së, Eliza Hoxha ka reaguar në lidhje me vendimin e 10 gushtit të Qeverisë së Kosovës lidhur me rialokimin e mbi një milion eurove në Ministrinë e Administratës të Pushtetit Lokal për zbatimin e projekteve kapitale, që sipas saj komunat të cilat kanë përfituar më së shumti janë ato të Lëvizjes Vetëvendosje, më saktësisht, komunat siç janë Gjilani, Kamenica, Podujeva dhe Shtimja.
Ndryshe më 10 gusht në mbledhjen e 92-të të Qeverisë së Kosovës janë rialokuar 1 milion e 80 mijë e 768 euro në Ministrinë e Administratës të Pushtetit Lokal për zbatimin e projekteve kapitale, në përputhje me shtatë marrëveshjet e mirëkuptimit për projektet kapitale të nënshkruara nga Ministri i Administrimit të Pushtetit Lokal dhe kryetarët e komunave: Klinë, Gjilan, Obiliq, Podujevë, Shtime, Istog dhe Kamenicë.