Merdari vazhdon të jetë pika më e ngarkuar kufitare për dalje nga territori i Kosovës.
Të mërkurën e 24 gushtit, Raporti i Qendrës Kombëtare për Menaxhim Kufitar, ka njoftuar për kolonat dhe pritjet e gjata në pikat kufitare, të cilat bëjnë lidhjen mes Kosovës dhe Serbisë.
Pritjet më të gjata janë regjistruar në pikat kufitare në Merdarë, Dheu i Bardhë dhe Mutivodë.
Në dalje të pikës kufitare në Merdarë, pritjet janë nga 80-90 minuta, kurse kolona e automjeteve raportohet të jetë 400-500 metra.
Ndërkaq, në dalje të pikës kufitare te Dheu i Bardhë, pritjet janë nga 30-40 minuta, ndërsa kolona e automjeteve është deri në 200 metra.
Kurse në dalje të pikës kufitare, në Mutivodë, pritjet janë deri 20-30 minuta.
Sa i përket pikave tjera kufitare, pritjet nuk janë të gjata, po ashtu nuk raportohet të ketë kolona të gjata të automjeteve.
