Ngjashëm sikurse punëtorët e sektorit publik në nivel qendorë, paga nuk kanë marrë as disa kryetarë e udheheqësh institucioneve lokale në Kosovë.
E kjo ka nxitur reagime të shumta, si nga komunat ashtu edhe nga Bashkimi i Sindikatave të Pavarura të Kosovës.
Nënkryetari i Gjakovës, Flamur Fetahaj, thotë se ky është vendim i kundërligjshëm.
Flamur Fetahaj, nënkryetar i Gjakovës në një bisedë telefonike ka thënë: Komuna e Gjakovës e konsideron këtë vendim të paligjshëm, sepse nuk përcaktohet as me ligj dhe as me kushtetutë, dhe ky vendim nuk është dashur as të merret nga qeveria dhe as të bëhet zbatimi i tij. Prej nesh është kërkuar të dërgohet një listë për grevistët, mirëpo këtë e kemi konsideruar të jashtëligjshëm.
E kjo situatë, ka mbledhur në një takim gjatë se enjtes, Kryetarët e Komunave të Kosovës, ku nuk po pajtohen fare me vendimin e qeverisë.
Mes shumë kritikave, njëzëri kanë dhënë një afat për qeverinë.
Në një deklaratë, Sazan Ibrahimi nga Asociacioni i Komunave të Kosovës ka thënë: Pagë nuk kanë pranuar as kryetarët e Komunave, as nënkryetarët, as drejtorët komunal e as zyrtarët tjerët komunal. Pagë nuk kanë pranuar as punonjësit e Qendrave për Punës Sociale e kështu më radhë. Pra ky është një dallim që është bërë nga niveli qendror dhe ky dallim në paga po ndodh për herë të parë në Kosovën e pasluftës. Kryetarët kanë bërë thirrje që deri më 5 shtator, pagat të dalin, përndryshe kryetarët e Komunave janë zotuar që do të mbajmë edhe një takim dhe do të shohim për veprimet e mundshme ligjore.
Ndërkohë, Kryetar i Sindikatës së Administratës Publike, thotë se duhet të ndryshohet sa më shpejte ky vendim nga qeveria.
Në një deklaratë, Ali Gashi, kryetai i Sindikatës së Administratës Publike ka thënë: Vendimet e fundit që janë marrë dhe mos ekzekutimi i pagave, për BSPK-në, është i pakuptueshem, por edhe konisderojmë që është edhe në kundërshtim me të gjitha ligjet dhe normat që e rregullojnë çështjen, dhe kjo çka ka bërë qeveria është denim kolegtiv, i cili nuk përkon me kohën që jemi tani….
Televizioni Dukagjini, ka pyetur Ministrinë e Financave, se kur do të bëhet ekzekutimi i pagave për pjesën tjetër të punëtorëve të sektorit publik, por të njejtit nuk kanë kthyer përgjigjje.