Krepat italiane janë ideale për një mëngjes të ëmbël që të ndihmojnë të nisësh ditën me një humor të mirë.
Të shijshme, të lehta, të ëmbla apo të kripura, katër lloj receta krepash italiane që kanë filluar të rrëmbejnë zemrat e shqiptarëve me shijen e tyre fantastike.
Krepat italiane mund të shoqërohen me mjaltë, çokokrem, reçel, banane, arra, biskota apo lajthia të thërmuara. Ndërsa, për ata që nuk preferojnë shumë ëmbëlsi mund të përgaditen me djathë, kaçkavall, domate, tranguj apo edhe sallatë jeshile.
Në Itali krepat njihen si ushqim, që mund të kombinohen dhe përshtaten me shije të ndryshme.
Si të bëni krepa italiane në kushte shtëpie:
Për përgaditje nevojiten; 500 ml qumësht, 3 kokrra vezë, kripë, 250 gr miell dhe 50 gr gjalpë.
Në një enë vendosni miellin dhe pak kripë së bashku.
Përzieni këto dy përbërës dhe më pas vëndosni qumështin duke trazuar pa ndërprerje brumin. Pasi keni hudhur qumështin, brumi do të marrë formë të njëtrajtshme. Më pas rrahni vezët, duke përdorur një mikser dore dhe hudhni në përbërje. Këto të gjitha së bashku përzijini derisa masa të bëhet homogjene.
Më pas, tek masa shtoni gjalpin të cilin duhet ta shkrini më parë. Kjo për shkak se rekomandohet që gjalpi të mos hudhet i nxehtë.
Trazojini mirë gjithë përbërësit, derisa të arrihet një masë e njëtrajtshme dhe e lëngshme.
Më pas, ju nevojitet një tigan i krijuar posaqërisht për krepa, dhe lyejeni me pak gjalpë përmes një furçe kuzhine.
Hidhni në qendër të tiganit një masë të brumit, aq sa dëshironi që krepat të jenë të trasha, dhe më pas hapeni brumin në gjithë sipërfaqen e tiganit, kështu si në fotografinë poshtë.
Pasi të keni vendosur brumin në tigan, kujdesuni që mos ta qëndroj më shumë se 2 minuta në njëren anë, pastaj e ktheni në anën tjetër.
Kështu vijohet me gjithë krepat derisa të mbaroni brumin që keni përgaditur.
Më pas, shoqëroni krepat me mjaltë, çokokrem, reçel, djathë, kaçkavall apo bazuar në preferencat tuaja.