Arsenali është i vetmi klub futbolli i ftuar ndonjëherë për çaj pasdite me Mbretëreshën.
Në verën e vitit 2006, atë kohë kur Arsenali u zhvendos nga Highbury në stadiumin Emirates, Mbretëresha Elizabeth II ishte planifikuar të priste shiritin për të hapur zyrtarisht shtëpinë e re të klubit.
Tashmë e ndjera, për shkak të raportimit të lëndimit të shpinës nuk mundi të ishte prezente dhe si rrjedhojë, ishte Princi Philip ai që zuri vendin e saj.
U raportua se Mbretëresha shprehu zhgënjimin e saj për mungesën e ngjarjes dhe si rezultat, skuadra e Arsenalit u ftua në Buckingham Palace për çaj pasdite në shkurt të vitit 2007.
Pamjet nga një dokumentar i BBC-së fiksuan takimin mes Mbretëreshës dhe ekipit të Arsenalit.
— AP (@Clips3Ap) September 8, 2022
Drejtori i klubit, Ken Friar e kishte cilësuar takimin me mbretëreshën si një ndër pikat kryesore të rrugëtimit të tij me ekipin anglez.
Ndërsa menaxheri, Arsene Wenger kishte theksuar se takimi me Arsenal ishte një shenjë e qartë e interesimit të saj për njerëzit.
Para takimit me Mbretëreshën, skuadrës së Arsenalit iu bë një turne privat në apartamentet shtetërore nga Desmond Shawe Taylor, një ekspert i koleksioneve mbretërore.
Me arritjen e mbretëreshës për të përshëndetur lojtarët, kapiteni i klubit, Thierry Henry prezantoi lojtarët.
“Shkoi shumë bukur,” tha Henry më pas. “Nuk kam fjalë për të përshkruar përvojën që na ka dhënë Mbretëresha.”
Ekipi i Arsenal ka reaguar me një postim pas vdekjes së monarkes.
“Jemi thellësisht të pikëlluar kur dëgjojmë për ndarjen nga jeta të Madhërisë së Saj, Mbretëreshës”, ka shkruar Arsenal gjersa ka thënë se do të vazhdojnë të reflektojnë në jetën e pabesueshme dhe shërbimin e përkushtuar të Madhërisë së Saj.
We are deeply saddened to hear of the passing of Her Majesty The Queen.
Along with many of our supporters today, we will be taking time to mourn and reflect on Her Majesty’s incredible life and devoted service.
— Arsenal (@Arsenal) September 8, 2022
Mbretëresha e Britanisë së Madhe, Elizabeth II, monarkja më jetëgjatë në historinë britanike, ka vdekur në moshën 96-vjeçare, të enjten.
Mbretëresha mbretëroi për 70 vjet, duke shërbyer si një fener stabiliteti në një kohë të trazuar. Vdekja e saj ka shkaktuar një pikëllim të madh në Britani për monarken 96-vjeçare, e cila mbretëroi për 70 vjet.
Mbretëresha Elizabeth II, monarkja më jetëgjatë e Britanisë, vdes në moshën 96-vjeçare