Ndër problemet më të mëdha në botë është ndotja e ajrit dhe lumenjve. Ky qilim i quajtur “Plastic rivers”, i brendit Gan, me anë të dizajnit synon të bartë mesazhin e mbajtjes së pastërtisë. Një dizajn unik dhe mbresëlënës i realizuar nga vetë dora e njeriut.
Disa nga emrat e modeleve të këtij qilimi janë: Gang, Yangtze, Niger, Indus.
Çdo qilim reflekton brenda vetës tri nuanca; kafe, të kaltër dhe të gjelbër. Këto ngjyra e bëjnë atë të jetë unik.
Dizajni i qilimit përmban lumenjtë të pastër, të cilët në realitet kanë mbetje të materialeve dhe janë të ndotur.
Secila ngjyrë ka simbolikën e saj, fijet plastike lejojnë lojën me dimensionet e qilimit, ndërkaq materiali është nga leshi, i qëndrueshëm dhe i butë.
Dizajneri i qilimit tregon në faqen zyrtare se ka realizuar këtë dizajn me qëllim që t’i tregohet botës që as të vërtetat e pakëndëshme nuk fshihen.
Qilimat janë të realizuar me forma dhe madhësi të ndryshme, janë të riciklueshëm plotësisht. Madje, realizimi i këtij qilimi, është shoqëruar edhe me çmime të shumta.