Kryetari i AAK-së, Ramush Haradinaj, e ka quajtur të sëmurë, Qeverinë e Kosovës dhe se sipas tij shteti i Kosovës, do të pësojë nga kjo qeveri.
Haradinaj, ka thënë se Kosova do t’i shoh pasojat në stinën e dimrit, kur sipas tij pritet që të rëndohet situata me furnizim të energjisë elektrike.
“Qeverinë po e shoh si të sëmurë, është pacient qeveria. Nuk po e shoh vetëm si qeveri të sëmurë, por po e shoh se vendi do të pësoj, prej kësaj qeverie ose ka me qenë e sëmurë në këtë dimër. Po mundohem ta clirojë Kurtin, nga inati. Përinati të opozitës mos e merr në qafë vendin”, ka thënë ai.
Haradinaj e ka kritikuar edhe gjuhën e përdorur nga deputeti i LVV-së, Dimal Bashës, ndaj kryetarit të SBAShK-ut, Rrahman Jasharaj.
Ai ka thënë, se Jasharaj nuk është pjesë e opozitës, por vetëm i përfaqëson interesat e mësimdhënësve.
“Po flas si i frikësuar për gjendjen në Kosovë. Nuk është sinjal i mirë, ai debat në mes të deputetit në moshë të re të VV-së, me gjyshin e tij, se ai është gjysh, se ai ka punu tëre jetën në arsim. Kjo dëshmon sa shumë jemi degradu, ne e kemi votu qeverinë me 50% për të na zgjidh problemet më bazike”, ka thënë ai.
I pari i AAK-së, ka thënë se qëllimi i tij nuk është ta rrëzojë nga pushteti Kryeministrin e Kosovës, Albin Kurti. Sipas tij, po ta donte ai këtë gjë nuk do e këshillonte atë për mirë, duke kërkuar nga ai miratimin e Ligjit të Pagave e shumë kërkesa të tjera që sipas tij janë të dobishme.