Presidentja e Kosovës, Vjosa Osmani, ka takuar bashkatdhetarët në New York, për të cilët, ka thënë se ndër vite i kanë dhënë hov e mbështetje të jashtëzakonshme luftës së Kosovës për liri.
Ndër të tjera, e para e vendit i ka falënderuar për kontributin e dhënë ndër dekada.
“Kosova aspiron integrimin euroatlantik, BE-në, NATO-n dhe OKB-në, ndaj kontributi i mërgatës sonë në Amerikë dhe gjithandej, siç ishte vendimtar dikur, është përcaktues edhe sot”, ka shkruar Osmani në Facebook.
Sipas Osmanit, me mbështetjen e mërgatës, Kosova do të jetë më e fuqishme përbrenda, e më e konsoliduar në aspektin ndërkombëtar.