Tjetër fitore nga ekipi shqiptar Bad News Eagles, i cili arriti të mposhtë ekipin Sprout, fitore kjo me të cilën arriti të siguronte fitoren e tretë në turneun Elisa Invitational Fall.
Ndeshja përfundoi me rezultat të përgjithshëm 2-1 me mapa në të mirë të ekipit shqiptar, ku e nisën mirë në ‘Mirage’ duke fituar me rezultat 16-8.
Në mapin e dytë, ekipi Sprout e barazoi rezultatin e ndeshjes duke fituar 16-9 në ‘Vertigo’.
Ndërsa, në mapin e tretë ekipi shqiptar Bad News Eagles dominoi gjatë gjithë kohës, duke e përfunduar me rezultat 16-6 dhe ndeshjen me rezultat të përgjithshëm 2-1 me mapa.
Lojtari më i dalluar në këtë ndeshje ishte Sener ‘SENER1’ Mahmuti, me 62 eliminime gjithsej.
Ndeshjen e radhës ekipi Bad News Eagles do ta zhvillojë në Play-Off të turneut Elisa Fall Invitational dhe kundërshtari i tyre do të mësohet së shpejti.