Albert Berisha, është shprehur se deputetët e Kuvendit të Kosovës, kanë bërë mirë që nuk e kanë votuar Kodin Civil, i cili sipas tij do të mundësonte martesën në mes të gjinisë së njëjtë.
Berisha ka thënë se një vendim i tillë, do ishte tejkalim i normave morale të shoqërisë. Ai theksoi nëse kjo lejohet, pastaj mund të ketë probleme të ndryshme siç janë, adoptimi i fëmijëve apo përcaktimi i gjinisë.
“Deputetët kanë bërë mirë, shteti nuk duhet të dalë përtej normave morale të shoqërisë, nuk them që kjo kategori nuk ka ekzistuar, por ka ekzistuar si pakicë e përjashtuar. Nuk duhet të lejohet martesa mes gjinisë së njëjtë”, ka thënë ajo.
Albert Berisha, i cili vite më parë është kthyer nga lufta e Sirisë, ka thënë që dritën e gjelbër për të shkuar atje e ka dhënë Ministria e Punëve të Jashtme, ministër i së cilës atë kohë ishte deputeti i tanishëm i PDK-së Enver Hoxhaj.
“Pjesa që kam qenë në Siri e jam kthy, e dinë i madh i vogël, nuk ofendona pse kam qenë e jam kthy, sepse qëllimet i kam pas të mira. Shteti na e ka dhënë dritën e gjelbër. Deklarata e MPJ-së, ka qenë për me ndihmu opozitën siriane shumë direkte… s’është e vetmja gafë e tij ai ka bërë gafa në vazhdimësi”, ka thënë ai.
Berisha, theksoi se pasojat e shkuarjes në Siri i ka bartur vetë personalisht.