Klubet e futbollit, Prishtina dhe Trepça ’89, kanë njoftuar se ndeshja e javës së nëntë në kuadër të Albi Superligës së Kosovës, është shtyrë.
Kjo ndeshje ishte paraparë të zhvillohet në stadiumin “Fadil Vokrri’ në Prishtinë të dielën e 2 tetorit.
Pra, ndeshja në mes këtyre dy skuadrave nuk do zhvillohet për shkak të gjendjes jo të mirë të fushës.
Ndërsa, se kur do të zhvillohet kjo ndeshje klubet nuk kanë caktuar akoma një datë, duke thënë se shtyrja e ndeshjes është për një afat të pacaktuar.
Po ashtu, në njoftimin nga FC Prishtina thuhet se ndeshja është shtyrë nga Komisioni i Garave.
“Se kur do të caktohet orari për t’u zhvilluar ky takim, do të njoftoheni me kohë”, thuhet në njoftimin e Prishtinës.