Ndonëse Lëvizja Vetëvendosje publikoi një video përmes së cilës quante udhëheqësit e deritanishëm si “shkatërrues të shtetit”, Partia SocialDemokrate thotë se ka publikuar videon “e vërtetë të saj”.
Përmes një videoje të publikuar në Facebook nga anëtari i saj Frashër Krasniqi, thuhet se pas 20 vitesh, Kosovës iu rikthyhen reduktimet e Kosovës nga qeveria e cila numëronte korrupsionet e 20 viteve të fundit në videon e publikuar të hënën.
“20 vite u mboll nepotizmi në Kosovë e ne veç për dy vite qeverisje, arritëm me shkap shtetin e me kap për vete. Balldëzkën e vëllaut të kryeministrit Kurtit e quam në Ministrinë e Tregtisë dhe Industrisë, tezaken e presidentes Osmani në atë të pushtetit lokal, motrën e Sveçlës në Ministrin e Bujqësisë, motrën e Liburn Aliut te këshilli i Odës së Farmacistëve”, thuhet në video gjersa theksohet se numri i rasteve të tilla vazhdon por i njëjti zë hapsirë të konsiderueshme për t’u përmendur.
Gjersa përmenden institucione si RTK, Policia e Kosovës, KEK e të tjera, Krasniqi flet në vetën e LVV-së gjersa thotë se e njëjta, do e kap edhe Prokurorinë dhe Gjykatën.
Puna në ministrinë e Shëndetësisë nuk u lë anash në videon e PSD-së. Gjersa ka ironizuar me udhëtimet e Ministrit Latifi, rolin e ish-ministrit Arben Vitia e ka kosnideruar jo-serioz dhe si të atillë, të vendosur për të fituar fame ashtu që i njëjti të merrte postin e kryetarit të LVV-së për komunën e Prishtinës.
Mirëpo kjo nuk shënon fundin e video-së së PSD-së.
Gjersa thekson se për një vit e gjysmë Qeveria Kurti arriti atë që sipas tyre ishte bërë për 20 vite në Kosovë, greva në arsim dhe veprimet e Qeverisë kundrejt grevistëve dhe Gjykatës Speciale zunë vend në videon prej afro 5 minutash.
“Çmimet u dyfishuan por gjysmë e artikujve e asnjë mbështetje serioze nuk ua bëmë atyre që paten nevojë. Përkundrazi, u thamë punoni pa pare se ashtu keni bërë edhe para luftës. Vetëm një vit e gjysmë qeverisje na u desht për ti treguar vendin më në fund UÇK-së, me e forcu dhe mbështet Specialen…”, vazhdon tutje videoja në fjalë.
Kjo video e PSD-së vie një ditë pas video-së së publikuar nga ana e LVV-së të hënën.
Lëvizja Vetëvendosje (LVV), përmes një video në Facebook, kishte kritikuar opozitën, duke thënë se për 20 vjet rresht në Kosovë kanë qeverisur “shkatërruesit e shtetit”, të njëjtit që nuk duan ta shohin Kosovën mirë.
Kjo video erdhi në ditën kur grevat janë pezulluar dhe mësimi ka filluar, dhe ditë në të cilën Qeveria e Kosovës nuk ka ekzekutuar pagat për mësimdhënësit.
Vetëvendosje akuzon opozitën, i quan “shkatërrues të shtetit”