Kryetari i Lidhjes Demokratike të Kosovës (LDK), Lumir Abdixhiku, ka pritur të martën në Prishtinë deputetin e Bundestagut nga rradhët e CDU dhe njëkohësisht raportuesin për Kosovë Christoph Ploß, të cilit ka treguar se i ka shpjeguar historinë e lavdishme të organizimit të shqiptarëve të Kosovës, nën udhëheqjen e Presidentit Ibrahim Rugova.
“Në prag të 33 vjetorit të themelimit të LDK-së, formacionit politik, demokratik e pavarësist të Kosovës, i shpjegova dhe pjesë të historisë së lavdishme të organizimit më të madh nacional të shqiptarëve të Kosovës, nën udhëheqjen e Presidentit Rugova”, ka shkruar Abdixhiku.
Teksa, ka shtuar se relacionet e LDK-së me CDU po futen në një fazë të bashkëpunimit, që këto relacione do t’i shërbejnë Republikës së Kosovës.
“Relacionet e LDK-së me CDU po futen në një fazë të re bashkëpunimi vitin në vijim. Këto relacione do t’i shërbejnë para së gjithash Republikës së Kosovës”, ka përfunduar Abdixhiku.