Deputeti gjerman dhe njëherësh anëtari i Asamblesë së Përgjithshme të Këshillit të Evropës, Knut Abraham, të hënën i ka bërë thirrje Komitetit të Ministrave të shteteve anëtare të Këshillit të Evropës(KE) që ta vendosë Kosovën në agjendën e takimit të radhës.
Sipas Abraham, ka ardhur koha për të vepruar dhe se është momenti i duhur që duhet të përdoret tani.
“Koha për të vepruar: I bëj thirrje Qeverisë italiane që ta vendosë në agjendë propozimin e Kosovës, në mënyrë që të diskutohet në Komitetin e Ministrave të Këshillit të Evropës në Torino, që mbahet të premten. Ky është momenti i duhur që duhet të përdoret tani”, ka shkruar ai në Twitter.
Zeit zu handeln: Ich appelliere an die italienische Regierung, den Antrag Kosovos jetzt auf die Tagesordnung zu setzen, damit er am Freitag im Ministerkomitee des Europarats in Turin besprochen werden kann. Der richtige Moment muss jetzt genutzt werden. @CoE @coe_ita
— Knut Abraham, MdB (@Knut_Abraham) May 16, 2022
Ndryshe, më katër maj, Qeveria e Gjermanisë e ka konfirmuar se e mbështet anëtarësimin e Kosovës në Këshill të Evropës. Kështu ka bërë të ditur anëtari i Asamblesë së Përgjithshme të Këshillit të Evropës, Knut Abraham.
Ai, me anë të një postimi në llogarinë e tij në Twitter, ka publikuar një pyetjen me të cilën i është drejtuar Qeverisë së Gjermanisë, rreth asaj nëse do ta mbështeste Kosovën, nëse kjo e fundit do të aplikonte për anëtarësim në Këshillin e Evropës.
Dhe një gjë të tillë, e ka pohuar Qeveria e Gjermanisë.
“Qeveria federale mbështet anëtarësimin e Kosovës në Këshill të Evropës. Është me rëndësi, që për këtë çështje të mbesim në koordinim të ngushtë me partnerët tanë në BE dhe në Këshill të Evropës”, është thënë në përgjigjen e Qeverisë së Gjermanisë.
Die Antwort der Bundesregierung auf meine Frage zur Mitgliedschaft von #Kosovo im #Europarat ist sehr ermutigend. Jetzt sollte #GER proaktiv die Bewerbung Kosovos im Europarat unterstützen. Europapolitiker unterschiedlicher Fraktionen unterstützen dies. @FrankSchwabe pic.twitter.com/4ba2VsT5BH
— Knut Abraham, MdB (@Knut_Abraham) May 4, 2022