Pamje dramatike janë publikuar në internet nga mediumi ndërkombëtar GuardianTV, ku në një video të postuar në rrjetin social në Youtube, shihet se si është rrëzuar dhe rrokullisur një aeroplan gjatë zbarkimit në aeroportin e kryeqytetit të Somalisë, por nuk ka pasur viktima në mesin e 36 personave në bord.
Në videon e publikuar shihet se aeroplani është pranë aeroportit në Mogadishu, ku shihet tymi i zi dhe i dendur që ngrihet mbi vendin e përplasjes.
Ndërsa ekipet e shpëtimit siç janë zjarrfikësit, kanë arritur që t’i shuajnë flakët, nga vendi i ngjarjes shihet një aeroplan, i tipit Fokker 50, i përmbysur.
Aeroplani i përkiste Jubba Airways dhe ishte një fluturim i brendshëm nga qyteti i Baidoa-s për në kryeqytet.
Siç raportohet, pasagjerët dhe ekuipazhi u shpëtuan të gjithë, sipas autoriteteve të aeroportit. Ende nuk dihet shkaku i rrëzimit.