AGK: Deklaratë e rrezikshme dhe e papranueshme e Bislimit kundër medieve të Kosovës

Asociacioni i Gazetarëve të Kosovës (AGK) ka reaguar lidhur me deklaratën e zëvëndëskryeministrit të Kosovës, Besnik Bislimi se mediat në Kosovë "financohen nga Serbia"

Zëvëndësministri i Kosovës, Besnik Bislimi ka thënë se mediat në Kosovë “financohen nga Serbia”.

Lidhur me këtë ka reaguar Asociacioni i Gazetarëve të Kosovës (AGK), duke e cilësuar si “deklaratë të rrezikshme dhe të papranueshme”.

“Në konferencën për shtyp bashkë me Kryeministrin Kurti, kur është pyetur për lëshimet që ai i ka përmendur më herët në një intervistë për gazetën serbe “Danas”, ai ka bërë deklarata skandaloze”, thuhet në reagimin e AGK-së.

AGK-ja e ka dënuar ashpër “gjuhën e papranueshme” të zëvëndëskryeministrit Bislimi.

“AGK-ja, e dënon ashpër këtë gjuhë të papranueshme të njeriut të dytë të Qeverisë, dhe vë në pah se kur vjen nga niveli më i lartë i pushtetit vë në rrezik serioz, edhe fizik gazetarët e medieve kosovare”.

Në reagimin e tyre thuhet se “Qeveria Kurti duhet të ndalojë së sulmuari mediet kosovare, dhe të lejojë ato ta bëjnë punën e tyre, duke përfshirë komponentin shumë të rëndësishëm të mbajtjes përgjegjës të pushtetit”.

Shija e redaktorit

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Ditët e para të çlirimit, rrëfim nga ish-zyrtari për informim...

Për ditë me radhë në territorin e Maqedonisë, ushtarët e NATO-s stërviteshin për përballjen me forcat serbe në Kosovë. Më 10 qershor në Kumanovë, Serbia...

Botim i ri edukativ – “Shprehi të mira, fëmijë të...

Në kuadër të lëndës me zgjedhje “Edukimi për shëndetin”, klasat e dyta, nga viti shkollor 2024/25, do të kenë në bankat shkollore librin "Shprehi...

Të fundit nga rubrika