Lideri i Bashkimit Demokratik për Integrim (BDI), Ali Ahmeti, ka përgëzuar Shqipërinë për hapjen e të gjitha kapitujve negociues me Bashkimin Evropian brenda vetëm 12 muajve.
Përmes një postimi në Facebook, Ahmeti thekson se kjo është një arritje e jashtëzakonshme dhe një shembull për gjithë shqiptarët.
“Vërtetë për shqiptarët, dielli lind në perëndim”, shkruan ai, duke vlerësuar rekordin mbresëlënës të Shqipërisë në procesin e integrimit evropian.
Ahmeti ka ftuar Maqedoninë e Veriut dhe Kosovën të ndjekin hapat e Shqipërisë dhe të Malit të Zi, duke u angazhuar konkretisht për integrimin në BE dhe për tejkalimin e sfidave të përbashkëta.
Sipas tij, rruga evropiane është e vetmja perspektivë e sigurt për kombet e rajonit, veçanërisht në këto kohëra të vështira për kontinentin dhe botën.