Tre persona janë lënduar si pasojë e një aksidenti trafiku, i cili ka ndodhur të dielën e 12 qershorit në autostradën “Ibrahim Rugova”.
Këtë për Portali D, e ka konfirmuar zëdhënësi i Policisë së Kosovës, Daut Hoxha, i cili ka thënë se në aksident ishin përfshirë tre automjete.
“Në afërsi Sllatinës rreth orës 14:00 është raportuar se për një aksident trafiku. Të përfshira kanë qenë tre automjete dhe është raportuar se tre persona kanë marrë lëndime trupore”, ka thënë Hoxha.
Sipas tij, njësiti i trafikut është marrë me rastin.
Ndryshe, sipas statistikave të përgjithshme të policisë, thuhet se brenda 24 orëshit të 11 qershorit kanë ndodhur, gjithsej, 22 aksidente trafiku me dëme materiale dhe 11 aksidente me të lënduar.