Një aksident trafiku ka ndodhur të mërkurën e 25 janarit në rrugën Hysni Rama në qytetin e Pejës, ku si pasojë i lënduar ka mbetur një shtetas i Turqisë.
Siç njofton raporti 24-orësh i Policisë së Kosovës, aksidenti ka ndodhur pasi personi që po drejtonte makinën, nga pakujdesia dhe mospërshtatja e shpejtësisë, ka goditur këmbësorin i cili ka pësuar lëndime.
Kësisoj, viktima është dërguar për tretman mjekësor, ndërsa i dyshuari është arrestuar dhe me vendim të prokurorit është dërguar në mbajtje.
“ I dyshuari mashkull kosovar derisa ishte duke drejtuar veturën, dyshohet nga pakujdesia dhe mospërshtatja e shpejtësisë kushteve të rrugës, ka goditur këmbësorin, viktimën mashkull shtetas i Turqisë. Si pasojë e aksidentit, lëndime ka pësuar viktima i cili fillimisht është dërguar për tretman mjekësor. I dyshuari është arrestuar dhe me vendim të prokurorit është dërguar në mbajtje”, thuhet në raportin e Policisë së Kosovës.