Nga një aksident trafiku në mes të tri veturave në rrugën Mitrovicë – Vushtrri, një person ka vdekur dhe dy të tjerë janë lënduar.
Lajmin për Dukagjinin e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.
Zahiti ka thënë se aksidenti ka ndodhur gjatë pasdites të së hënës, teksa viktima ka vdekur në ShSKUK në orët e para të së martës.
“Aksident trafiku me fatalitet mbrëmë rreth orës 18:00, është raportuar për një aksident trafiku me lëndime i shkaktuar në rrugën nacionale Mitrovicë – Prishtinë në segmentin rrugor në hyrje të Vushtrrisë”, ka thënë Zahiti.
“Në aksident ishin përfshirë tri vetura, si pasojë e aksidentit lëndime kanë pësuar tre persona të cilët janë dërguar në emergjencën e Spitalit të Vushtrrisë, më pas dy nga të lënduarit janë dërguar në SHSKUK –Prishtinë
“Ndërsa, me datën 12 mars 2024, rreth orës 00:20, nga SHSKUK-ja, është raportuar se i lënduari viktima M.M.48 vjeçar, ka vdekur. Me urdhër të prokurorit trupi i pajetë është dërguar për obduksion në IML”, ka thënë tutje Zahiti.