Me kërkesë të Sllovenisë, e cila po merret me përmbytjet shkatërruese, BE-ja ka aktivizuar Mekanizmin e saj të Mbrojtjes Civile për vendin, njoftoi të dielën Komisioneri Evropian për Menaxhimin e Krizave Janez Lenarçiç.
Siç raporton STA, lista e kërkesave nga ana e Sllovenisë vjen pasi përpjekjet e shpëtimit në shumicën e zonave në Slloveni të prekura nga përmbytjet po zhvendosen në fazën kur sigurohen kushtet bazë për jetesë dhe komunikim.
Ndërkohë, vendi ka kërkuar nga NATO-ja pesë helikopterë transporti me kapacitet mbajtës të paktën pesë tonë, 200 ushtarë për detyra mbrojtjeje, shpëtimi dhe asistence dhe 20 ura të përkohshme të parafabrikuara deri në 40 metra të gjatë.
Po raportohet se deri më tani, pjesa më e madhe e banorëve janë evakuuar.
Pamjet që sjell një reporter i 24ur.com dëshmojnë dëmet nga përmbytjet në Slloveni.
Të premten në Slloveni pati shira të rrëmbyeshëm dhe vërshime, duke lënë të vdekur të paktën tre persona dhe duke detyruar qytetarët të evakuohen.
Nga moti i ligë ka edhe dëme materiale në rrugë dhe ura.
Agjencia e Mjedisit të Sllovenisë, ARSO, rriti alarmin në nivelin më të lartë pas shirave të rrëmbyeshme që kanë goditur më së keqi pjesë veriore, veriperëndimore dhe qendrore të shtetit.