Aeroporti Ndërkombëtar i Prishtinës “Adem Jashari” ka pranuar një kërcënim me bombë.
Lajmin e ka konfirmuar zëdhënësja e aeroportit, Valentina Gara, për Dukagjinin.
“Konfirmojmë se kemi pranuar një kërcënim me bombë. Udhëtarët dhe personeli janë evakuuar dhe janë të sigurt. Ekipet e involvuara në planin emergjent janë të angazhuar në kryerjen e detyrave të tyre”, ka thënë Gara.
Kjo nuk është hera e parë që Aeroporti Ndërkombëtar i Prishtinës “Adem Jashari” paralajmërohet për kërcënime të kësaj natyre. Ndërkaq, deri tani, të njëjtat kanë rezultuar të rreme.