Ambasadori i Shteteve të Bashkuara në Kosovë, është shprehur i nderuar nga pjesëmarrja e presidentes Vjosa Osmani dhe Kryeministrit Albin Kurti, në homazhet që ata i bënë në varrimin e ish-sekretares së shtetit të SHBA-së, Madeleine Albright.
“I nderuar nga prania e Presidentes Vjosa Omsani dhe Kryeministri Albin Kurtit në varrimin e djeshëm teksa i bënë homazhe Madeleine Albright, dhe kontributeve të saja të shumta për lirinë, pavarësinë dhe sovranitetin e Kosovës”, ka shkruar ai në Twitter.
Honored by President @VjosaOsmaniPRKS & Prime Minister @albinkurti's presence at yesterday's funeral as they paid tribute to @madeleine Albright & her many contributions to Kosovo's freedom, independence & sovereignty. https://t.co/jq2uJnSAon
— Ambassador Jeff Hovenier (@USAmbKosovo) April 28, 2022
Presidentja e Kosovës, Vjosa Osmani dhe kryeministri Albin Kurti, të martën e 26 prillit, kishin udhëtuar drejt Shteteve të Bashkuara të Amerikës, për të marrë pjesë në ceremoninë mortore të ish-sekretares së shtetit të SHBA-së, Madeleine Albright.