Ambasadori i Francës në Kosovë, Olivier Guerot, ka marrë pjesë në përkujtimin e masakrës në fshatin Reçak të Komunës së Shtimes, ku tashmë janë bërë 24 vjet që nga vrasja e 45 civilëve shqiptarë nga forcat serbe.
Ai, në një postim në rrjetin social Twitter, ka njoftuar për pjesëmarrjen e tij në homazhet për 23-vjetorin e masakrës, duke përkujtuar një fëmijë viktimë në mesin e shumë të tjerëve. Ai ka thënë se Halimi ishte vetëm 14-vjeçar kur është vrarë nga forcat serbe.
“Kam marrë pjesë në përkujtimin e masakrës së Reçakut në vitin 1999. Halimi ishte vetëm 14 vjeç kur u vra. Një viktimë mes shumë të tjerëve. Duke kujtuar të kaluarën dhe duke ndërtuar të ardhmen e Kosovës”, ka shkruar ai.
J’ai participé à la commémoration du massacre de Recak en 1999. Halim n avait que 14 ans quand il a été assassiné. Une victime parmi tant d’autres. Se souvenir du passé et construire l’avenir du Kosovo. pic.twitter.com/M41b1deAZu
— Ambassadeur Olivier Guerot (@Olivier_Guerot) January 15, 2023
15 janari i vitit 1999 është nga ato data që janë të mbushura me histori përgjatë luftës së Ushtrisë Çlirimtare të Kosovës(UÇK) për çlirimin e vendit.
Në fshatin Reçak, pikërisht në këtë datë banorët përjetuan momentet më të vështira gjersa i priti një mëngjes nën krismat e armëve, e të cilat atëkohë ishin shndërruar në një përditshmëri të zakonshme.
Gjatë kësaj dite, në fshatin 30 kilometra larg Prishtinës, forcat policore dhe ushtarake serbe kanë vrarë 45 civilë shqiptarë. Ngjarje e cila u cilësua si masakër edhe nga shefi i atëhershëm i Misionit Verifikues të OSBE-së në Kosovë, William Walker.