Ambasadori i Gjermanisë në Kosovë, Jorn Rohde, ka thënë se çështja e Asociacionit është pjesë e zgjidhjes së problemeve dhe jo e krijimit të tyre.
Ai, në “Debat Plus”, tha se Bashkimi Evropian ka propozuar zgjidhje, kurse qeveritë e Kosovës që nga viti 2013 s’e kanë bërë një gjë të tillë.
“Kemi çështjen e Asociacioni është pjesë e zgjidhjes jo vetëm e problemit, duam zgjidhje, kemi propozu zgjidhje, qeveritë e ndryshme që nga vitit 2013 asnjëherë s’kanë propozuar zgjidhje. Nuk është vetëm për veriun, ka situatë të veçantë në veri, për shkak të zhvillimeve historike, synimi jonë është ta bëjmë Kosovën një vend normal, me marrëdhënie normale, me fqinjët, me integrim rajonal e evropian. Ky synim arrihet vetëm nëse koordinoheni dhe bëni kompromis dhe dëgjoni miqtë tuaj, jo gjithmonë, por shumicën e kohës”, tha ai.