Të mërkurën e 16 nëntorit, një ambulancë është aksidentuar në autostradën Tiranë-Lezhë dhe disa persona janë lënduar disa persona.
Top Channel ka raportuar se ambulanca që u aksidentua ishte ambulanca e spitalit të Rrëshenit, e cila ishte duke transportuar një të sëmurë për në spitalin e Lezhës. Drejtuesi i saj kishte humbur kontrollin në një kthesë duke u rrëzuar në tokë anës rrugës.
Nga ky aksident u lëndua një infermier dhe tre të moshuar, mes tyre njëra ishte pacientja dhe dy të tjerë shoqëruesit e saj. Gjendja e të lënduarve ende nuk është bërë e ditur.
Policia shqiptare ka arritur në vendngjarje për zbardhjen e rrethanave të aksidentit.
Në njoftimin e policisë thuhet se “Në aksin rrugor “Lezhë – Milot”, në fshatin Markatomaj, shtetasi V. T., duke drejtuar automjetin me shërbim ambulancë, ka humbur kontrollin mbi drejtimin e automjetit dhe ka dalë jashtë rruge”.
“Për pasojë, janë demtuar shtetasit F. Gj., 34 vjeç, infermier në Spitalin Rajonal Lezhë dhe shtetasit N. T., 77 vjeç, M. T., 74 vjeçe dhe M. P., 73 vjeç (pacientë në autoambulancë). Të 4 shetasit po marrin ndihmën mjekësore, në Spitalin Rajonal Lezhë dhe janë jashtë rrezikut për jetën”.
Tutje thuhet se drejtuesi i automjetit, shtetasi V. T. është shoqëruar në ambientet e Komisariatit të Policisë Lezhë, për veprime të mëtejshme procedurale. “Grupi hetimor vijon punën për zbardhjen e plotë të shkaqeve të aksidentit”, sipas policisë.