Anëtarësimi në KiE – Osmani takohet me kryeministren daneze, e falënderon për mbështetjen ndaj Kosovës

Në takim me kryeministren e Danimarkës, presidentja e vendit, Vjosa Osmani, e ka falënderuar shtetin danez për mbështetjen ndaj Kosovës lidhur me anëtarësimin e saj në KiE. Osmani është shprehur mirënjohëse edhe për kontributin e mbi 13 mijë ushtarëve danez për sigurinë në Kosovë që nga viti 1999

Presidentja e Kosovës, Vjosa Osmani dhe kryeministrja e Danimarkës, Mette Frederiksen

Presidentja e Kosovës, Vjosa Osmani, është pritur në takim nga kryeministrja e Danimarkës, Mette Frederiksen, në pallatin “Christiansborg”.

Në këtë takim është diskutuar për marrëdhëniet bilaterale mes dy shteteve dhe është rikonfirmuar përkushtimi i ndërsjellë për rritjen e bashkëpunimit ndërshtetëror.

“Në takim me kryeministren Frederiksen, presidentja Osmani ka falënderuar Mbretërinë e Danimarkës për mbështetjen ndaj Kosovës përgjatë viteve, ndërsa ka diskutuar edhe për rëndësinë që kjo mbështetje të vazhdojë edhe më tej për integrimin e Kosovës në Bashkimin Evropian, anëtarësimin në NATO, si dhe organizata ndërkombëtare”, ka njoftuar Presidenca.

Në këtë drejtim, Osmani ka shprehur mirënjohjen për mbështetjen e deputetëve danezë në Asamblenë Parlamentare të Këshillit të Evropës, si dhe për gatishmërinë e qeverisë së Danimarkës që ta mbështesë Kosovën deri në anëtarësim.

“Presidentja Osmani dhe kryeministrja Frederiksen diskutuan edhe për presidencën daneze të Bashkimit Evropian vitin e ardhshëm, ku presidentja shtroi nevojën që të ndërmerren hapa konkret sa i përket integrimit të Kosovës në BE, duke u bazuar në performancën dhe reformat e realizuara në vendin tonë”, thuhet tutje në njoftim.

Presidentja gjithashtu ka shprehur mirënjohjen për kontributin e mbi 13 mijë ushtarëve danez për paqen dhe sigurinë në Kosovë që nga viti 1999, ndaj ka bërë dhe nderime te monumenti Kombëtar i Kujtesës së Danimarkës.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika