Ambasadori i Gjermanisë në Kosovë, Jorn Rohde, ka thënë se agjenda e mbledhjes së Komitetit të Ministrave të Këshillit të Evropës mund të ndryshohet edhe në minutën e fundit.
Përmes një postimi në platformën X, Rohde e ka shtyrë Kosovën që të marrë një vendim “të guximshëm” për t’u anëtarësuar në Këshillin e Evropës (KiE).
“Agjenda për takimin e Komitetit të Ministrave të Këshillit të Evropës mund të ndryshohet minutën e fundit. Por, sa më shpejt që Kosova merr një vendim të guximshëm, aq më realiste është të arrish 2/3 e shumicës për t’iu bashkuar Këshillit të Evropës”, ka shkruar Rohde.
Gjatë kësaj periudhe, është raportuar se Gjermania, Franca dhe Italia po kushtëzojnë votat pro Kosovës për në Këshill të Evropës (KiE) me hapa konkretë në drejtim të themelimit të Asociacionit.
“The agenda for the @coe Committee of Ministers meeting can be amended even last minute. But the sooner 🇽🇰 takes a bold decision, the more realistic it is to get the 2/3 majority to join the Council of Europe!”
My interview with @a2_news today, to be aired tonight at 8pm! pic.twitter.com/AKAJXobIKf
— Ambassador Jörn Rohde (@GermanAmbKOS) May 10, 2024