Një anije turistike superluksoze e quajtur “Silver Moon” ka mbërritur në portin e Sarandës dhe ka sjellur turistët e parë për këtë sezonë.
Këtë e ka bërë të ditur përmes një postimi në Facebook, kryeministri i Shqipërisë, Edi Rama.
Rama me anë të fotografive e shpalosi bukurinë e kësaj anije, duke theksuar se ajo është ” dallëndyshja e parë që lajmëron ardhjen e sezonit më të bukur e më të pastër turistik deri më sot”.
Një bord prej 450 turistëve kishin fatin të provonin për herë të parë këtë shëtitje në qytetin e Sarandës, të cilët do të shpërndahen në grupe dhe të shijojnë bukurinë e saj.
Kjo anije gjigande është ndërtuar në vitin 2020 dhe ka një peshë afërsisht 40 mijë e 700 tonë bruto dhe me një kapacitet për të akomoduar 596 pasagjerë në bord, dhe sigurisht është një ndër më luksozet në të gjithë botën.
