Kombëtarja e Argjentinës ka shënuar golin e dytë ndaj Kombëtares së Australisë, dhe tashmë rezultati është 2:0 për argjentinasit.
Golin e dytë e shënoi argjentinasi, Julian Alvarez, pas një gabimi të trishtë nga portieri australian, Mathew Ryan, në minutën e 57-të të pjesës së dytë.
Portieri i Australisë, Ryan tentoi të vraponte me topin brenda zonës së tij, duke lejuar Alvarez të gjuaj drejt portës së zbrazët.
Argjentinasit kanë rrëmbyer tërësisht lojën në pjesën e dytë, pasi janë duke krijuar aksione për të rritur akoma epërsinë ndaj Australisë.
Kombëtarja e Argjentinës me fitore ndaj Australisë, është në prag të kalimit në çerekfinale të Botërorit.
Goli i parë u shënua në minutën e 35-të, nga ylli argjentinas, Lionel Messi, i cili është duke bërë paraqitjen e tij të 1000-të në karrierë.
Argjentina pati një mundësi të hershme për një penallti, në pjesën e parë, kur pasimi i Papu Gomez u duk se ishte bllokuar nga krahu i Keanu Baccus në zonë, por arbitri vendosi që nuk ka penallti.
Australia kishte arritur të frustronte Argjentinën me disa kundërsulme në pjesën e parë, derisa skuadra e Lionel Scalonit gjeti një rrugë përmes Messit.