Kryetari i Komunës së Preshevës, Shqiprim Arifi, ka vendosur flamurin kombëtar shqiptar të hënën më 27 nëntorit në godinën e komunës së Preshevës.
Flamuri kombëtar është vendosur me rastin e 111-vjetorit të festës së flamurit së Shqipërisë.
Sipas Arifit, kjo është hera e shtatë radhazi në historinë e Preshevës, ku kryetari i komunës vendos flamurin kombëtar në komunën e Preshëvës.
“Përshendetje gjithë shqiptarëve anë e mbarë botës, edhe në Luginën e Preshevës, për hir të 28 Nëntorit e vendosim sot në godinën e komunës, flamurin kombëtar për së shtati herë kësaj radhe. Ne ua urojmë festën të gjithëve dhe ju faleminderit për mbështetjen, mos na harroni se jemi duke mbijetuar këtu dhe duke shpresuar që ju nuk na harroni kurrë”, ka thënë Arifi.
Ndryshe, në muajin shkurti të këtij viti, Gjykata e Vranjës kishte dënuar ish-kryetarin e Këshillit Kombëtar Shqiptar në Luginën e Preshevës, Ragmi Mustafin, si dhe vetë institucionin që ai e kryeson, për kundërvajtje pas ngritjes së flamurit kombëtar shqiptar, më 28 Nëntor të vitit të kaluar, për nder të Ditës së Pavarësisë së Shqipërisë.