Prokuroria Themelore në Gjilan ka njoftuar se ka arrestuar tre persona të dyshuar për garën e veturave që përfundoi me fatalitet në orët e hershme të 25 janarit [e enjte] në fshatin Miresh të Gjilanit, ku për pasojë vdiq një 28-vjeçar.
Ata dyshohen se ikën nga vendi i ngjarjes, duke mos i dhënë ndihmë personave të aksidentuar.
Policia të enjten pati njoftuar për vdekjen e 28-vjeçarit “në një vetaksident”. Edhe një person tjetër kishte mbetur i lënduar.
Por, Prokuroria të premten ka ndaluar edhe tre të dyshuar për rastin. Sipas tyre, F.A. dhe B.A. janë ndaluar pasi dyshohen për veprat penale “Rrezik i trafikut publik me veprime apo mjete të rrezikshme’’ dhe ‘’Mosdhënia e ndihmës personit të lënduar në fatkeqësinë e trafikut publik’’, dhe L.M., për shkak të veprës penale “Mosdhënia e ndihmës personit të lënduar në fatkeqësinë e trafikut publik”.
“Ekziston dyshimi i arsyeshëm se të dyshuarit F.A. dhe B.A, më 25 Janar 2024, rreth orës 00:50 minuta, me automjetet e tyre, së bashku me tani të ndjerin L.R., gjatë drejtimit të automjeteve kanë zhvilluar gara, të cilat janë të ndaluara me ligj, që nga dalja e Gjilanit deri në hyrje të fshatit Dobërçan, ku edhe i ndjeri L.R., ka pësuar vetaksident dhe ka humbur jetën. Po ashtu, dyshohet se pas vetaksidentit, të dyshuarit – vozitësit F.A. dhe B.A., si dhe i dyshuari – pasagjeri L.M., , nuk i kanë dhënë ndihmë tani të ndjerit L.R., duke u larguar nga vendi i ngjarjes”, thuhet në njoftimin e Prokurorisë.
Lexo edhe këtë: Policia jep detaje për vetaksidentin e djeshëm në Gjilan
Vdes një 28-vjeçar në një vetaksident në aksin rrugor Gjilan – Dheu i Bardhë
Këtë për Portalin Dukagjini e ka konfirmuar zëdhënësi i Policisë për rajonin e Gjilanit, Ismet Hashani.
Ndërkaq, pasagjeri është transferuar me autoambulancë në qendrën emergjente në spitalin rajonal të Gjilanit për trajtim mjekësor.